General Santos City—giangkon ni PDEA-12 Regional Director Gil Cesario Castro nga kinahanglan gyud nila ang pwersa sa kapulisan ug militar sa ilang pagtuman sa tahas particular na ang mas gipakusgang kampanya batok sa iligal nga droga.
Sumala ni Director Castro nga dakong tabang ang PNP ug ang kapulisan sa kampanya sa droga hilabi na sa mga peligrosong ronda sa mga dagkong tawo nga target sa operasyon. Kini ang nahimong reaksyon sa opisyal human nga gitangtang ni Pangulong Rodrigo Duterte sa PNP ang gahum sa pag apil-apil sa kampanya batok droga sa nasud.
Kampante usab si Castro sa kanunay nga suporta nga ginahatag kanila ni Police Regional Office 12 director Chief Supt. Ceddrick Train sa ilang kampanya batok iligal nga droga.
Samtang paningkamutan usab sa PDEA nga dili mapasagdan ang tanang lugar sa Rehiyon 12 sa ilang kampanya luyo paman sa kakulangon sa ilang mga sakop.
