ILOILO – Ginaduso sang Philippine Drug Enforcement Agency (PDEA) 6 ang pagtukod sang inter-agency task force sa rehiyon agud pangunahan ang pagpapugong sang pagsulod sang illegal nga droga paagi sa nagkalainlain nga ports sa Western Visayas.
Ginhimo ni PDEA 6 Dir. Gil Pabilona ang suggestion matapos ginpaggwa ni Mayor Jed Patrick Mabilog ang issue nga nagasulod ang illegal nga droga sa syudad paagi sa mga pwerto sang rehiyon.
Ginpahayag ni Pabilona nga ini nga proposal nahambalan na sa regional peace and order council meeting.
Ginkumpermar ni Pabilona nga may kaangay na nga task force nga nagabantay sa Ninoy Aquino International Airport.
Matandaan nga ginpahayag ni President Rodrigo Duterte nga bedrock of illegal drugs ang Iloilo bangud nagaserbe ini nga transshipment point sang illegal nga droga.
Tags: Iloilo, Iloilo City, Illegal Drugs, RMN, RMN Iloilo, Kasamang Magie
