Davao City – Dako ang pagtoo sa Philippine Drug Enforcement Agency (PDEA) nga suportado sa katawhan ang pagbalik ngadto sa pamunoan sa Philippine National Police (PNP) sa kampanya batok gidiling droga.
Sumala ni PDEA-XI acting director Antonio “Tony” Rivera, niadto pang panahon sa kampanya ni Pres. Rodrigo Duterte daan nang nagsuporta ang katawhan niini.
Giingon pa sa acting director sa PDEA-XI, base sa resulta sa survey dako ang pagsalig sa mga tawo kung mabalik sa PNP ang ‘tokhang’ pabor sila niini nga matang sa pagpakgang sa gidiling droga ilabi na dinhi sa Mindanao.
Dakong pabor sila nga magsul-ob og body camera ang mga operatiba nga maglusad og operasyon aron makita ang tinuod nga sitwasyon aron walay pagduda nga dunay extra judicial killings nga nahitabo sa mga operasyon, ingon ni Rivera.
RayoMaN Bernard Pantallon
