PDEA-XI: erring uniformed personnel gikadismaya

35

Davao City – Gikadismaya sa Philippine Drug Enforcement Agency (PDEA-XI) nga aduna gihapoy mga ‘uniformed personnel’ nga malambigit sa iligal nga droga, human nabungkag ang usa ka drug den sa Magugpo East, National Highway, Tagum City, Davao del Norte diin usa ka sundalo ug lima ka kauban niini ang naaktohan sa drug buy-bust operation.

Atol sa One Davao on COVID-19 Virtual Presser, gibutyag ni Antonio Rivera, Regional Director sa PDEA-XI, anak sa usa ka kanhi retired pulis ang naga-maintain sa maong drug den ug usa sa mga nagabisita sa drug den, usa ka miyembro sa Armed Forces of the Philippines (AFP) nga na-assign sa Maco, Davao de Oro.

“It’s very sad (nga) despite sa atong mga pahimangno, naa gihapoy mga pasaway nga uniformed personnel nga naga apil aning sa illegal drugs,” segun ni Rivera.

Paglapas sa Section 5 (Sale of Dangerous Drugs), Section 6 (Maintenance of a Drug Den), Section 7 (Employees and Visitors of a Den), 11 (Possession of Dangerous Drugs) ug Section 12 (Possession of Drug Paraphernalia), Article II sa Republic Act 9165 ang kasong atubangon sa mga dinakpan.

Samtang, maximum penalty subay sa Article II, Section 28 (Criminal Liability of Government Officials and Employees) sa Republic Act 9165, ang atubangong kaso sa sundalo kung mapamatud-an kining guilty sa maong salaod.

RadyoMaN Kirby Manzon

Facebook Comments