Manila, Philippines – May walong pangalan nang napipisil ang PDP-Laban bilang mga posibleng kandidato sa House speakership para sa 18th Congress.
Ayon kay PDP-Laban President, Senator Koko Pimentel III – mayroon na silang shortlist na maaring humalili kay House Speaker, Pampanga Representative Gloria Macapagal-Arroyo, na nasa huling termino na nito.
Kabilang sa kanilang shortlist ay sina: Davao del Norte Representative Pantaleon Alvarez, Leyte Representative Lucy Torres-Gomez, Cavite Representative Alex Advincula, Pampanga Representative Aurelio Gonzales, South Cotabato Representative Ferdinand Hernandez, Cavite Representative Abraham Tolentino, Marinduque Representative Lord Allan Velasco at San Juan Representative Ronaldo Zamora.
Sinabi ni Pimentel na paiikliin pa nila ang listahan pagkatapos ng May 13 midterm elections.
