Ginahulat na lang nila suno kay South Cotabato Governor Daisy Avance Fuentes, chairperson sang Provincial Disaster Risk Reduction and Management Council ang deklarasyon sang duha ukon tatlo ka mga banwa sa probinsya sang state of calamity tungod sa kawad-an sang bastante nga pag-ulan, agud makadeklarar man ang probinsya.
Samtang bisan nga tig-ilinit pipila ka mga talamnan ang nasuplayan pa man sang tubig sa irigasyon
Apang ang sa nabukid nga bahin sang probinsya ang nagaproblema na sang ilimnon nga tubig tungod naapektuhan sang mainit nga panahon ang spring.
May-angot sini, ginahangkat ni Governor Fuentes ang mga barangay opisyal nga maghulag man kag maghatag sang rekomendasyon sa ila nga mga local government unit kon ano ang himuon agud nga maaksyunan gilayon.
Ginpahayag man sang gobernadora nga wala pa man ang tig-ilinit may ginahimo naman ang provincial government bilang preparasyon sa pagtupa sang nasambit nga kalamidad.
Advice naman sini sa mga pumuluyo nga kon mag-inom sang tubig initon anay agud nga malikawan ang balatian tuga sang kakulangan sang supply sang tubig.
Samtang subong nga adlaw, ipatigayon ang 1st quarter PDRRMC meeting kag isa sa pagatutukan suno pa ang epekto sang drought sa probinsya.
