PDRRMC South Cotabato nakaalerto subong nga selebrasyon sang 20th T`nalak Festival, emergency hotlines gin-instablisar, Opening program wala sang guest speaker.

Nakaalerto ang Provincial Disaster Risk Reduction and Management Council South Cotabato subong nga selebrasyon sang 20th T`nalak Festival kag nakaactivate naman suno pa ang operation center sang talatapan.
May-angot sini, suno kay PDRRMO Operations Incharge Rolly Aquino nag-augment man sa ila nga pwersa ang mga Municipal Disaster Risk Reduction and Management Team.
Samtang may gin-istablisar man suno sa iya nga mga emergency hotlines agud nga madasig ang koordinasyon kag pagrespondir sa tion ngamay-yara sang insidente nga magluntad subong nga selebrasyon sang T`nalak Festival.
Ginaawhag naman sini sa mga pumuluyo nga kon may problema ukon insidente nga magluntad ang gilayon nga magtawag sa emergency hotlines 09072491775 kag 09262434430 agud nga gilayon nga maaksyunan.
Ginaadvise man sini sa tanan nga magkooperar sa ginapatuman nga seguridad kag kon maglagaw seguraduhon gid ang ikaayong lawas.
Nahibaluan nga kahapon nga adlaw nag-umpisa na ang pipila ka aktibidad sa selebrasyon sang 20th T`nalak Festival kag subong nga adlaw ipatigayon ang Civic Military Parade:Thematic and Float Competition, Opening Program, motocross competition, Ceremonial Opening sang South Cotabato Regional Industrial, Technology and Trade Expo kag LGBTQ Night.
Ginkumpirmar naman ni Provincial Planning and Development Officer Jennifer Bretaña, Committee incharge nga wala sang guest speaker sa opening program sang 20th T`nalak Festival subong nga adlaw tungod indi magaabot si Davao City Mayor Sarah Duterte.
Samtang sa anniversary program sa Hulyo 18 mangin dinapit nga bisita naman si Former Senador Bongbong Marcos nga nagkumpirmar na suno pa.

Facebook Comments