Patay ang usa ka 16 anyos human nabanggaan sa elf ang gisakyang motorsiklo sa Cabula, Lumbia mga alas 2:10 kagahapon sa hapon.
Sa interview sa dxCC-RMN kang Police Staff Sergeant Francis Marianas, imbestigador sa Lumbia Police Station nga ang biktima nailang si Dario Danhugan, 16 anyos samtang ang driver sa motorsiklo nga si Robert Mangadlaw, 17 anyos, ulitawo ug taga Upper Tignapoloan ning syudad ang gidala sa city hospital.
Gibutyag ni Staff Sergeant Marianas nga napasok sa ilalom sa elf truck si Danhugan hinungdan nga nalatayan sa ligid.
Ang driver sa motorsiklo nga si Mangadlaw ang nakahawid sa wiper sa Elf busa wala kini naligsan sa ligid.
Gipasabot ni Staff Sergeant Marianas nga ni-overtake sa laing sakyanan ang motorsiklo sa dihang nabanggaan sa elf.
Sa karon nakagawas na ang driver sa elf nga si Jerry Pacunio, 47 anyos, minyo nga taga Liboran, Baungon, Bukidnon.
Kini human nagkasabot kagabie ang pamilya sa biktima ug suspect nga dili na mopasaka sa kaso ug mohatag nalang sa cash assistance si Pacunio.
Nahitabo ang settlement pinaagi ni Tignapoloan Barangay Chairwoman Nancy Aban.
