General Santos City—Gipaniguro ni Rene Punzalan, Action Officer sa Sarangani Provincial Disaster Risk Reduction Management Office kon PDRRMO nga andam ang probinsiya sa Sarangani kon ugaling man dunay muabot nga kalamidad gumikan kay duna kini saktong mga kagamitan nga nakaandam nang gamiton ug duna usab saktong supply sa pagakon sa mga maapektuhan sa kalamidad.
Saysay man usab ni Punzalan nga kung hisgutan ang pagpangandam dili lamang kini sa pagpangandam sa mga ekipo nga gamiton panahon sa kalamidad kundili kinahanglan usab niini ang paghatag ug saktong kasayuran sa matag tawo sa brgy kung unsa ang angayang himuon panahon sa kalamidad gumikan kay ang katawhan man ang nakabalo sa nahitabo sa ilahang barangay.
Sumala pa niini nga kung dunay saktong edukasyon ug impormasyon ang mga tawo sa Barangay mahitungod sa himuon panahon sa kalamidad ilabi na kadtong anaa sa delikadong lugar posibleng maubsan ang mga casaualty. (Reynald Timario)
