General Santos City—nakig-alayon na ang Provincial Disaster Risk Reduction And Management Office ngadto sa lokal nga panggamhanan kalabutan sa nahitabong trahedya sa usa ka small scale mining nga nag operate sa usa ka hilit nga barangay sa lungsod niadtong Sabado.
Sumala ni Rene Punsalan, Action Officer sa PDRRMO-Sarangani nga siya dismayado nga luyo paman sa hugtanong pagbawal sa mina sa probinsya duna pay nakalusot.
Iyang hangyo ngadto sa LGU-Kiamba nga hatagan ug pagtagad ang pag monitor niining iligal nga pag mina sa ilang lugar. kahinumduman nga duha ang namatay samtang tulo usab ang naospital human natrapped sa minahan sa maong lugar.
dugang pagbutyag ni Rene Punzalan nga aduna gyoy kakulangan ang lokal nga panggamhanan sa lungsod sa Kiamba sa nahitabong trahedya.
Apan mas gibasol niini ang mga opisyal sa barangay tungod wala man lang mireport sa buhatan sa concern nga ahensya bahin sa operasyon sa iligal mining sa ilang barangay.Dili mutuo si Punzalan nga wala namonitor sa mga opisyal sa barangay ang mga gakahitabo sa ilang lugar. Sila dapat maoy unang nasayod nga dunay mga illegal nga mina sa ilang lugar.
