Padayon matud pa ang monitoring nga gihimo sa 4th Infantry Division , Philippine Army sa ilang area of responsibility.
Sa interview sa RMN Malaybalay ngadto kang Lt. Tere Ingente-Cansancio, ang Division Public Affair Office Chief gibuytyag niini nga mas gipahugtan pa nila ang joint internal security operations campaign plan sa tibook rehiyon kauban ang Philippine National Police kon PNP.
Matud ni Ingente-Cansancion nga ang pagbantay sa kahapsay ug kalinaw usa ka shared responsibility ug dili lamang sa security forces.
Nanawagan usab ang 4th ID sa publiko nga mahimong magmaigmat.
Kung aduna may mga kasayuran ug mga kadudahang butang ug tawo sa palibot nga ipaabot gilayon kini ngadto sa otoridad.
Gi-discourage usab niini ang katawhan nga dili magpakatag ug mensahe nga dili berepikado aron dili makamugna ug panic sa publiko.
