Gihingusgan ni Brigadier General Franco Nemesio M. Gacal ang bag-ong commader sa 4th ID Philippine Army, Camp Evangelista Patag ning dakbayan ang ‘peaceful war’ sa iyang pagpamuno sa 4th ID.
Sa interview kang Brigadier General Gacal, gipasabot niini ang peaceful war aron masuta ang problema sa mga kontra sa malinawon nga paagi bisan kung dunay mga conflict ug maangkon ang tinguha nga economic development ug social progress sa dili madugo nga pamaagi.
Dugang pa sa opisyal nga importante ang papel sa tanang ahensya sa gobyerno aron mapaabot sa mga kontra ang ilang gusto pinaagi sa mga programa ug proyekto sa tabang sa mga kasundalohan ug nagtoo usab kining 80 hangtud 90 posyente sa mga kontra ang non-combatant ug nagkinahanglan lang sa malinawong dayalogo.
Gi-klaro usab niini nga sa peaceful war nga iyang gihingusgan, wala nagpasabot nga wala silay opensiba nga buhaton sa field apan focus gihapon sila sa military operations kauban ang mga pulis labi na ngadto sa mga mohagit sa gobyerno ug gitinguha niining ma-hunong na ang recruitement sa mga New People’s Army pinaagi sa tabang sa tanang ahensya sa gobyerno.
