Gihukman na nga mabilanggo sa tibuok kinabuhi ang usa ka Australian National ug live-in partner niini tungod sa kasong Qualified Human Trafficking in Person.
Ang mga suspek mao ang Australian National nga si Peter Gerald Scully ug pinay nga si Carmen Alvarez.
Gipagawas ang hukom ni Judge Jose Escobido sa Regional Trial Court Branch 37pasado alas tres sa hapon kagahapong adlawa.
Gawas sa life sentence nga hukom ni Judge Escobido, si Scully ug Alvarez gipagbayad pa sa multa nga singko milyones pesos tungod sa ilang sala nga Qualified Human trafficking dinhi sa Cagayan de Oro.
Gawas sa Qualified Human trafficking, nakit-an usab nga sad-an ang Australian National sa kasong Rape by sexual assault sa lima ka ihap.
Mahinumduman nga si Scully, unang nasikop sa National Bureau of Investigation niadtong 2011 tungod sa patong patong nga kasong Qualified Human Trafficking ug rape by sexual assault sa iyang mga biktimang pulos babayeng menor de edad.
web photo
