Peke nga dentista, sikop sa entrapment operation saNBI… suspek aminado nga ilegal ang iyang trabaho

Iligan City-  Sikop  ang  usa ka  ginang  sa gipahigayong  entrapment  operation  sa mga  sakop  sa  National Bureau  of  Investigation, alas- 7:00  pasado kagabii,  sa  Barangay  Tipanoy,  ning  dakbayan.

 

 

Naila  ang  target sa  maong  operasyon nga  si  Josephine “Neneng” Velasco,  kinsa,  matud pa  ni  Atty.  Jam  Dimaporo, hepe  sa  NBI  Iligan District  Office , nagpahigayon  sa  maong ilegal  nga  buhat  sulod na  sa dugay-dugay nga panahon.

 
 Naabtan  sa  mga  operatiba  si  Velasco nga  nag-ibot  og  ngipon sa iyang  pasyente  sa  usa  ka  bahin sa iyang  balay  nga  gihimong  dental clinic.
 


 

Miingon   si   Dimaporo   nga  paglapas  sa  Republic Act  9484  o  ang balaod  sa  pag-regulate  sa  dentistry  practice  ug  mismong ang Philippine  Dental  Association  sa  Iligan  Chapter ang  nag-reklamo  kang Velasco.

 

 

Ang  usa  ka  representante  sa  CityHealth  Office,  kinsa  kuyog  saoperasyon  kagabii,  mikumpirma  nga  dili  lisensiyadong dentista  ug  wala sa  listahan  sa  mga  membro  sa PDA  Iligan  Chapter ang nasangpit  nga  ginang.

 

 Gi-angkon  ni  Velasco nga  ilegal  ang  iyang  gibuhat  apan  iyaha lang gipadayun  ang  trabaho  sa  iyang  bana,  kinsa  dili  usab  dentista, aron dunay  ikabuhi  sa  iyang  mga anak  nga  gusto niyang  makahuman  sa ilang  pag-eskwela.

 

Niadtong  2016  mamatay iyang  bana  kinsa  nagpahigayon og  dental practice  tungod  sa  ilang Philippine  Benevolent   Christian   MissionaryAssociation  (PBCMA)  matud  pa ni  Velasco

 

Nakumpiska  sa  NBI  ang  nagkadaiyang mga  dental  equipment lakip  na  mga  postiso  ug  usa  ka  hinimo nga  dental chair.

 

 Gitakdang  pasakahan  og  kasong   paglapas  sa   RepublicAct 9484  o ang  balaod  regulating  the  practice of  dentistry.

Facebook Comments