Aminado si Provincial Environment and Management Office Sigfreid Flaviano nga misaka ang ilang nakolekta nga hazardous ug toxic waste partikular na sa mga hospital gumikan sa epekto sa COVID 19. Matud kang Flaviano, mokabat sa 300 kilos matag semana ang ilang nakolekta sa mga ospital.
Hinuon gipaniguro niini nga dili mokatag ang maong mga basura gumikan tungod may mga inspector sila nga nagamonitor kung asa ginasunod sa mga hospital ang sakto nga proseso sa paglabay sa mga basura.
Samtang ang mga basura nga makolekta sa ospital hilabina sa COVID hospital sa Surallah ang giagi sa treatment ug ibutang sa special cell, apan tungod puno na ang special cell mihangyo sila sa DENR-EMB nga temporaryo una kining ilabay sa sanitary landfill apan treated na subay na usab sa guidelines sa National Government.
