Roxas City, Capiz- Ginpahanumdom sang pamunuan sang Government Service Insurance System (GSIS) ang mga nagaplano sa pagretiro sa gobyerno sa pagplano sang ila makuha nga pension.
Ginpahayag ni Capiz GSIS Branch Manager Rosenie Chavez nga nagakadapat nga may plano ang magaretiro sa ila makuha nga pension agod hindi sila mabudlayan sa ulihi nga tyempo labi na nga ini ang ila pinangabudlayan pinaagi sa pagserbisyo sa gobyerno.
Suno sa iya nga mangin mahinalungon ang mga retirado sa ila kwarta kay mahimo nga mangin katulad sila sang iban nga nangin “one day millionaire, forever mantiner” nga mga retirado.
Sa ginpatigayon nga Pre-retirement Seminar kag Stakeholders’ dialogue sang GSIS, ginpaathag man ni Chavez ang mga benepisyo kag pribilehiyo para sa mga pensyonado lakip na ang nagkalain-lain nga retirement package para sa luyag magretiro.
Ang nasambit nga seminar kag dialogue nga ginpatigayon sa duha ka batch ang gintambungan sang kapin 600 ka mga ka mga myembro sang GSIS kag mga Agency Authorized Officers nagikan sa mga lokal kag nasyonal nga ahensya sang gobyerno diri sa Capiz.
by: PIA-Capiz/Jemin B. Guillermo
