Nanawagan si City Councilor George Goking sa City council nga i-review ang performance sa mga department sa City hall nga iyang gitawag nga “Income Generating” Department.
Kini gipanawagan ni Goking human sa annual reports sa COA, kinsa nag-ingon nga wala makuha sa City hall ang kapin 5 billion pesos target tax collection sa milabayng tuig.
Matud ni Goking nga tungod sa report sa COA, gikinanglan nga dunay himoon ang City council nga “Performance Audit” sa City Treasurers office, City Environment and Natural Reources Office o Clenro, Office of Bulding Officials kon OBO, Assessor’s office ug uban pa aron masayran sa City council giunsa pagpatuman sa maong mga department ang ilang tax collection.
Gibutyag ni Goking nga iya unang gi-question ang Clenro nganong gamay ra ang ilang nakoliktang buhis gikan sa quarry operation.
“Kadaghan sa nag-quarry, unya gamay ra ang ilang nakolikta, basin naay ilang kakulangon sa ilang Collection mao na ang dapat masayran” matud ni Goking.
Gusto ni Goking nga kon ihatag man sa City Council ang ilang panawagan sa iyang Committee on ways and means, ipahigayon ang Performance audit sa maong mga department sa City hall.
Gusto usab ni Goking nga lakip sa i-audit ang mga negosyante.
Kay matud ni Goking nga kini aron makita sa city Council kinsa kining negosyante ning syudad ang wala mobayad sa insakto sa ilang mga buhis.
Matud ni Goking nga kon nibayad sa insakto ang mga Businessman ug maayo ang performance sa mga tax collector, dako ang posibilidad nga nakuha sa city hall ang ilang target collection nga 5.8 billion pesos sa milabayng tuig.
