Roxas City, Capiz- Natumod na sang mga katapo sang Roxas City PNP ang ginapahayag suspek nga nagluthang sa biktima nga si Joery Policarpio y Ramirez sa guha sang resto bar sa San Jose Street, Brgy. III Roxas City sang nakaligad nga kaaganhon.
Ini matapos nga narekober sang mga otoridad ang 12-gauge shotgun nga ginapatihan gingamit sang suspek nga si Jhon Rey Pianera, 29-anyos sang Pototan, Iloilo sa pagluthang sa biktima.
Kalakip man sa narekober amu ang isa ka baseyo sang 12-gauge shotgun, kag 43 ka mga bala nga wala pa makalupok.
Natigayon nga makita ang amo nga armasluthang makaligad nga nagreport sa mga kapulisan ang duha ka mag-utod nga may nakit-an ang mga ini nga ginhulog nga armas sa idalom sang tulay nga nagakonektar sa Barangay Tiza kag Banica.
Nahibaluan nga ini ang isa ka security officer sang Perlite Security Agency nga nakabase sa Espacio Verde sa Barangay Dayao.
Sa dugang nga pagpangusisa sang mga kapulisan, ang nasambitan nga persona ang isa gali ka ex-army kag na-discharge sa serbisyo matapos nga nakuhaan sang armasluthang sa isa ka balay-ilimnan sang nakaligad nga Hunyo 2, 2017.
