General Santos City–Nagnegatibo sa novel-coronavirus ang usa ka Person Under Investigation sa DOH 12. Kini ang nahimong pagbutyag ni Dr. Imelda Quiñones ang Regional Epidemiology Surveillance Unit sa DOH-12 human nga madawat sa maong buhatan ang resulta sa mga specimen nga gipasa nila ngadto sa Research Institute On Tropical Medicine (RITM) kagahapong adlaw.
Sumala pa ni Dra. Imelda Quiñones ang Regional Epidemiology Surveillance Unit nga human ang 14 ka adlaw nga pagpailawom sa pasyente ngadto sa quarantine migula nga negatibo kini sa maong virus.
Apan gipaklaro niini nga bisan paman nga nagnegative kini dili pa nila mamahimong madischarge ang nahisgutan tungod kay human ang 48 ka oras subli nila kini nga kuhaan ug specimen aron nga ipadala sa RITM ug kung magnegatibo gihapon kini mamahimo na siyang madischarge ug hatagan ug clearance nga makapauli sa ilahang panimalay.
Sa karon naa na matud pa sa 24 ang kompermadong ihap sa DOH 12 nga Person Under Monitoring (PUM). 3 niini sa Cotabato, 8 sa Gensan, 3 sa North Cotabato, 5 sa South Cotabato ug 1 sa Sultan Kudarat kung asa aduna matud pay history of travel ang mga nahisgutan sa lugar nga adunay positbo sa novel corona virus, apan wala nakitaan ug unsa mang sentomas sa N-CoV ang mga nasampit.(Dave Silagan)
