Naglab-ot na sa 570 ang person under monitoring kag12 ang under investigation sa probinsya sang South Cotabato sa coronavirus disease ukon COVID-19 base sa datos sang Integrated Provincial Health Office halin Enero tubtob kahapon nga adlaw Marso 16.
Sa PUM 26 na ang tigayon nga nakatapos sang home quarantine kag sa dose nga PUI apat ang nadeklarar nga negatibo sa COVID -19.
Base sa datos ang nagapadayon pa sa quarantine ang syudad sang Koronadal ang may madamo nga PUM nga may 120 kag may 1 nga PUI nga ginahulat pa ang resulta sang laboratory test, Polomolok – 115 ang PUM kag 2 ang PUI, Surallah -60 ang PUM kag 2 ang PUI, Banga 53 ang PUM kag 2 ang PUI, Norala 25 ang PUM, Tupi may 30 ka PUM kag may 1 ka PUI, T`boli may 30 ka PUM, Sto. Nino may 29 ka PUM, Lake Sebu may 28 ka PUM, Tantangan may 24 ka PUM kag Tampakan may 10 nga PUM, samtang isa naman ang narecord nga outside zone nga PUI.
Paklaro ni Dr. Rogelio Aturdido Jr., Provincial Health Officer sang South Cotabato nga ang rason kon nga nagtaas ang PUM sa probinsya tungod ang halin sa Metro Manila ang ginapaidalom na sa self –quarantine kag posible madugangan pa ang numero sang PUM matapos nga nagbantay sang team sang IPHO sa Gensan Airport sang mga nagapauli dire sa probinsya.
Hingyo niya man sa iban pa nga magcoordinate sa mga barangay health emergency team sa lugar.
Samtang, daku nga bulig suno kay Dr. Aturdido ang ginapatuman nga pre-emptive lockdown dire sa probinsya kag sang iban pa nga probinsya kag syudad dire sa Mindanao.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
