Un persona quien asegun tiene ta carga anting-anting ya muri despues este ya empesa man waras na estacion de pulicia y ya hace bangga su cabesa na cohral de cemento del sabado por la noche.
El pulis ya nombra con el persona como si Eduardo Sereno, de Lintangan, Sibuco, zambaonga del Norte.
Asegun na report del pulis banda alas sais del tarde del Sabado durante ya abre el cuantos actividad na RT Lim Boulevard donde si Sereno ya precura entra na entrada para del maga mujer.
Aqui ya llama su atencion el maga pulis pero asegun valiente este y notable buracho le aquel tiempo.
Mientars ta conversa conele el maga pulis, alegaomente ya ataca este con el maga pulis rason para aresta con este y ya lleva na estacion del pulicia.
Asegun mientras na estacion, ya continua este man waras y porcausa consu atning-anting ta queda este bien mapuersa y ta puede quita con el posas na su pulso.
Ya precura pa este asegun agara con el alambre de coriente na main switch de estacion y ya precura tambien este rebata el pusil del maga pulis.
Asegun derepente este ya corre pa afuera del opesina na estacion y ya empesa este hace bangga su cabesa na cemento hasta ya tumba este.
Ya lleva corre na hospital con Sereno abordo na ambulancia pero ya muri este.
Maga pulis ya puede tambien recobri el anting-anting di Sereno.
