General Santos City–Gikabutyag ni Police Captain Hielbronn Okorin ang Chief Of Police sa Fatima Police Station nga personal ang motibo ang usa sa ilang gilantaw sa pagpusil sa body guard nga si Jerry Cabuguas,50 anyos nga nanimuyo sa Nursery Road Brgy.Lagao Gensan.
Sumala pa ni Okorin nga sa pagkakaron nagpadayon ang ilahang imbestigasyon aron masuta kung si kinsa ang mga nakauban pa sa biktima ayha kini gipusil ug sayron usab nila kung duna bay nakalaban ang nasampit sa iyang trabaho.
Kahibaloan nga una ng gipusil ang biktima sa wala mailhing suspek niadtong adlaw’ng Biyernes sa gabie sakay sa iyang motorsiklo kauban ang iyang kapuyo sa junction road Ondok Gawan Brgy. San Jose ning syudad.
Dugang pamahayag ni Police Captain Okorin nga ilaha pa karong ginasuta kung si kinsa ang person of interest nga mipusil sa biktima nga kasamtangan anaa na sa luwas nga kahimtang nga nagpabiling nagpaalim sa ospital tungod sa naangkon niining samad pinusilan sa iyang liog kansa pabilin sa ospital.
Gipaklaro usab sa opisyal nga dili pa niini makonsidera kung riding in tandem kriminal ba ang naghimo sa krimen gumikan kay ngit-ngit ang lugar sa gipusilan sa biktima.
Nanawagan na lamang ang opisyal nga kung si kinsa man tong nakakita sa panghitabo nga makig-alayon lamang ngadto kanila sa posibleng makatabang sa pagresolba sa kaso. (Reynald Timario)
