General Santos City–Personal Grudge ang gitutukan nga anggulo sa Police Station 5, kalabutan sa pagpamusil patay sa biktimang si Joven Oncada, 38 anyos, nga taga Purok, San Miguel, Barangay Calumpang ning dakbayan.
Nasayran nga pasado alas 7:00 sa buntag una ng gipusil patay ang biktima. Matud ni Police Major Richard Ybañez, Hepe sa Tambler Police Station, aduna matud pay nakabingkil ang maong biktima ug kini karon ang ilang gitutukan sa padayong imbestigasyon sa kaso.
Nasayran nga igo ra nga niuban ang biktima sa iyang amigo apan gipusil kini sa wala pa mailhing mga suspetsado. Dugang pagbutyag ni Ybañes, nga posibleng dili sa Gensan ang atraso sa biktima kondili sa ubang lugar.
Samtang wala usay klarong trabaho ang nasangpit nga biktima, gani talagsa ra kining mouli sa ilang lugar. Gibutyag pa ni Ybañez nga wala naapil sa watchlist ang nasangpit nga biktima mao nga dili nila matumbok kung kini may kalabutan sa druga.
