General Santos City–Pagpanimalos ug personal Grudge ang motibong ginatan-aw karon sa Police Station 4 kalabutan sa nahitabong pagpamusil patay sa biktimang si Reynante Solomon, 29 anyos nga taga Purok San Roque, Barangay Labangal, Gensan niadtong nakalabayng gabie.
Sumala ni Police Captain, Davis Dulawan, Hepe sa Police Station 4 nga kanhing priso ang nasampit ug nalambigit sa daghang mga kaso, sama nalang sa pagpatay, carnapping ug lambigit sab kini sa iligal nga droga.
Dugang pagbutyag ni Dulawan nga posibleng kanhing kaubanan ra sa biktima ang responsable sa pagpatay kaniya.
Nasayran nga bag-uhay lang gyud nakagawas sa prisohan ang biktima dihang siya gipusil-patay.
Sa karon ginasuta pa sa Police Station 4 kung si kinsa gyud ang mastermind sa pagpatay sa nasampit nga biktima.
