PERSONAL NGA MOTIBO | Daan nga hiligut-anon, motibo sa pagpatay kay Kapitan Elvis Asis

169

Roxas City, Capiz – Daan nga hiligut-anon ang ginatudlo nga rason sang kamatayon ni Kapitan Elvis Asis.

Suno sa hepe sang Roxas City PNP nga si Supt. Dante Tayco, ini ang base sa mga nakuha nga mga CCTV footages kag mga mensahe nga na-save sa cellphone sang biktima.

Nagaguha sa dugang nga pag-imbestigar snag mga kapulisan nga sadto pa may yara na sang pamahog sa kabuhi ni Kapitan Elvis Asis.
Sa subong ginahulat na lamang sang mga kapulisan ang pag-raffle sa amo nga kaso agud nga mapanaogan sang warrant of arrest ang mga suspek.
Ginpat-od sang mga kapulisan nga mahatagan sang proteksiyon ang pamilya ni Kapitan Elvis Asis subong man ang mga witness nga nagpalab-ot sang impormasyon para nga matumod ang responsable sa pagluthang-patay sa amo nga kapitan.
Suno kay Tayco, hungod anay nga gintago sang pangalan sang mga suspek para man sa seguridad sang pamilya Asis.
Base sa imbestigasyon sang gintukod nga taskforce, nahibaluan nga masobra na sa isa ka bulan nga ginplano ang pagpatay sa kapitan kag sang nakaligad lamang nga Abril 27 sang gab-e natigayon ang plano.

Facebook Comments