MABATO SA PULIS | Utod gindepensahan ang utod nga serbihan sang warrant of arrest, hana nga magbato gintiro sang pulis

2319

BACOLOD CITY – Padayon karon nga confined sa ospital ang isa ka soltero nga natiruhan matapos ini ang nagbuko nga magbato sa pulis bangud nga gindakup ang iya utod kagab-i sa banwa sang Cauayan.

Ini siya ang nakilala kay Wendel Morales, 21 anyos ang edad, pumuluyo sang Brgy. Ilijan, Cauayan.

Suno sa report nga may mga las 6:30 kagab-i, nagpadulong sa ila lugar ang mga pulis agud nga i-serbe ang warrant of arrest sa utod ni Wendel nga may kaso.

Ginpahayag nga nagbato ini sa mga arresting officer pinaagi sa pagkuha sang isa ka improvised shotgun nga ginbuko niya nga palukpon apang naunahan ini tiro sang pulis kag nag-angkon sang duha ka igo sa iya wala nga tiil.

Ini siya ang padayon karon nga confined sa Corazon Locsin Montelibano Memorial Regional Hospital./dyHB BACOLOD

Facebook Comments