May mga tikang na kuntani ang suspendido nga budget officer sang Negros Occidental sa 2021 agud nga mapanubuan ang Personal Services sang probinsiya.
Sa interview sang DYHB kay Provincial Budget Officer Jose Percival Salado nga gindagdagan sang 60-day preventive suspension ni Gov. Eugenio Jose Lacson sang Lunes, ginpahayag sini nga madamo sang vacant positions ang provincial government kag plano niya kuntani nga i-unfund ukon kuhaan ini sang pondo agud mapanubo ang PS sa masunod nga tuig.
Suno kay Salado, bisan pa nga himuon nga job order ang mga casual employees, indi sa gihapon magnubo ang PS sang probinsiya bangud sa permanent positions pa lang, nagalapaw na ang budget.
Ini kuntani ang mga plano ni Salado sa pagsugod sang budget forum sa masunod nga semana, apang siya ang nasuspender sang 60 ka adlaw sa diin indi siya pwedi makapalapit sa Provincial Capitol kag indi man siya makabaton sang sweldo sa sulod sang duha ka bulan.
[image: image.png]
