Mapatuman na karong semanaha ang piso nga usbaw sa pletihan sa motorela human gi-aprobahan ni Mayor Oscar Moreno ang ordinansa alang niini.
Kini ang gibutyag ni City Administrator Teddy Sabuga-a Jr.
Matud ni Sabugaa nga magtigom ang mga kadagkuan sa Business Permit & Licensing Office, City Legal Office ug RTA alang sa ipagawas nga taripa sa dili pa kini makuha sa mga motorela operators.
Nagpahimangno usab si Sabuga-a niadtong mga colorum nga motorela operators batok niadtong ang ilang plate number ang migamit sa samang orihinal ug rehistradong numero.
Lakip sa iyang gipahingmangnoan ang mga tawong kakunsabo sa pagdagan sa mga illegal nga motorela ilabina nga magpahigayon sa anti-colorum operations ang syudad aron pagsikop niadtong illegal nga mga motorela operators.
