Bukidnon – All set na ang Provincial Government of Bukidnon alang sa selebrasyon sa Kaamulan 2018.
Sa interview sa RMN Malaybalay nagdto kang Provincial Tourism Office Joe-ann Bayona, gibutyag niini nga nagpadayag na sa ka-andam ang tanang mga nangulo sa nagkadaiyang komitiba sa Kaamulan karong tuiga.
Samtang all set na usab daw sila sa PTO sa mao nga kasaulugan nga magsugod na ugmang adlawa, Marso 1 hangtod 24 ning tuiga.
Pangunahan ni Governor Jose Maria R. Zubiri Jr. ang ribbon cutting sa mao nga selebrasyon atol sa drum and lyre competiton nga ipahigayon ugma sa buntag.
Ang pulong KAAMULAN gikan sa pinulongang Binukidnon nga “amol” nga nagpasabot nga “tigom” sa Binisayang Sinugboanon.
Katiguman o panagtigom kini alang sa mahinungdanong katuyoan ang buot ipasabot sa kaamulan – mao nga *“gathering together for a cause”* sa Iningles. Usa kini ka okasyong sosyal sa lumad nga mga lumulupyo sa lalawigan sa Bukidnon.
Tulo ka semanang selebrasyon nga nagpasundayag sa lumadnon ug bahandianong mga sapot, mga hiyas, kultura ug tradisyon, ingon man nagbugkos sa tanan diha sa panagtigom ug naghiusa dili lamang sa mga Bukidnong lumad kondili ingon man sa tanang mga lumulupyo sa lalawigan.
Matag tuig sukad sa 1977 gisaulog sa Bukidnon ang Kaamulan Festival ug dinhi kini kanunay gipahigayon sa Dakbayan sa Malaybalay.
