Mas nagnubo pa ang inflation rate sang pungsod matapos maka-record sang 3.3% sadtong bulan sang Marso.
Mas mahinay ini kun ikumparar sa 3.8% sadtong Pebrero kag makabig ini nga pinakamahinay nga pagsaka sa presyo sang mga balaklon kag serbisyo sumugod sadtong Enero 2018.
Suno sa Philippine Statistics Authority, makaapekto ang manubo nga inflation rate sa mga pagkaon, alcoholic kag non-alcoholic beverages kag tobacco products.
Partikular nga nakabulig sa downtrend ang bugas, mais, isda, prutas, utan kag kalamay.
Sa mga rehiyon, nagnubo ang inflation rate sa Metro Manila nga yara sa 3.2% samtang pinakahinay naman ang pagsaka sa presyo sang balaklon sa Zamboanga Peninsula nga yara sa 2%.
Samtang, ang month-on-month growth sa presyo sang mga produkto yara naman sa 0.1%. /rcsg
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
