Gin-athag sang Philippine Army nga indi miembro sang New People’s Army (NPA) ang lalaki nga napatay sa engkwentro sa Sitio Binadlan, Brgy. Bi-ao, Binalbagan, mga las-12:50 sang kaagahon sang Oktubre 7.
Sa interview sang DYHB kay Major Cenon Pancito III, spokesperson sang 3rd Infantry Division (ID), ginpahayag sini nga ang biktima nga si Rico Pacorales, 44-anyos sang Brgy. Santol, Binalbagan, ang miembro sang armado nga mga grupo nga naga-operate man sa nasambit nga banwa.
Samtang ang duha pa ka mga indibidwal nga gindakop kasunod sang encounter ang ginbuy-an naman matapos natumod nga indi sila upod sa mga naengkwentro sang tropa sang 94th IB.
Sa nahibaluan nga kapin sa 20 ka armado nga mga indibidwal ang naengkwentro sang militar sa nasambit nga adlaw kag narekober ang isa ka 45 caliber pistol; 38 caliber pistol homemade shot gun kag duha ka katana (sword).
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
