Phil. Sinter Corporation, miangkon nga sa ilang pantalan midunggo ang barkong gikargahan sa mga basura sa South Korea

Giangkon sa usa ka taas nga opisyal sa Phil. Sinter Corporation nga sa ilang pantalan sa Villanueva, Misamis Oriental midunggo ang usa ka barkong estranghero nga maoy gikargahan sa toni-toniladang basura  gikan sa south Korea.

Matud ni Reymart Santos nga resident Manager sa Phil. Sinter nga nakagawas sa ilang Pantalan ang  maong mga basura tungod kay gitugotan sa Phevidec ang Verde Soko nga magdiskarga sa ilang mga basura ug ilang gi-imbak sa Sitio Bugwak, Barangay Sta Cruz, Tagoloan, Misamis Oriental.

Gibutyag ni Santos nga mipirma usab ang mga official sa Phil. Sinter sa Birthing permit sa Verde soko tungod sa birthing document sa Phevidec nga ilang gihatag sa nasangpit nga Korean company.