Gi-awhag sa Philippine Health Insurance Corporation kon Philhealth ang mga miyembro ninii nga padayon nga suportahan ug padayon nga mubayad sa kontribusyon.
Sa interview sa RMN Malaybalay ngadto kang Merlyn Ybañez, ang regional spokesperson sa Philhealth 10 gibutyag niini nga dili angayang mawad-an ug pagsalig ang mga miyembro human sa kontrobersyal nga ghost dialysis claims.
Matud ni Ybañez nga padayon ang programa ug pagserbisyo sa mga miyembro niini.
Gimando usab daw karon ni PhilHealth 10 Regional Vice President Datu Masiding M. Alonto, Jr. ang mas istriktong monitoring sa mga balay aron walay makalusot nga binuang.
Dungan niini, gisiguro ni Ybanez nga naka-andam silang mudawat sa unsa mang sumbong gikan sa publiko nga adunay mamatikdan bisan gamay nga fraud o binuang kalabot sa programa sa Philhealth.
Gi-aghat niini ang publiko nga itawag lang ug idangop sa ilang buhatan aron ilang matutukan.
