Ginpanginwala sang pamunuan sang Philhealth 12 ang reklamo nga wala suno pa sila nakabayad sa COVID-19 claims sang mga ospital sa rehiyon.
Pahayag ni PhilHealth 12 Acting Regional Vice President Dr. Hector Zenon Leonardo Malate, nakabaton sila sang 21,513 claims halin sang nag-umpisa ang COVID-19 pandemic tubtob Hunyo 3.
Ginpahayag ni Malate nga 33 porsyento ukon masobra 7,000 sa mga claims ang naproseso na, 3,356 ang nabayaran na sang Philhealth; 3,344 ang ginbalik sa mga ospital tungod kulang ang mga dokumento kag 460 naman ang nadeny.
Paklaro pa ni Malate nga ang pinakamadamo nga yara sa 21 thousand COVID claims nga ila nabaton ang para sa testing kag masobra 700 lamang ang mga in-patient ukon naadmitir sa mga ospital.
Dugang pa sang opisyal nga ang 14,000 naman nga COVID-19 claims ang ginaproseso na sa subong sang Philhealth.
Samtang ginmando naman sang benefits administration sang PhilHealth 12 ang pagpadasig sang pagproseso kag pagpanghatag sang COVID-19 Philhealth claims.
Ini ang sabat ni Malate sa pahayag sang mga private hospitals kag ni South Cotabato Provincial Hospital Chief of Hospital Dr. Conrado Brana nga wala pagbayad sang PhilHealth 12 sa COVID-19 claims.
