Gitambagan sa Philippine Health Insurance Corporation kon Philhealth – Bukidnon ang mga miyembro nga e-update ang record niini.
Sa interview sa RMN Malaybalay ngadto kang Romulo Lapuz Jr. ang chief sa Philhealth Bukidnon Service office gibutyag niini nga dili na unta paabuton pa sa mga miyembro nga madala sa balay tambalanan ayha e-update ang record niini.
Gipananglitan niini ang pagbaylo sa categorya nga gikan sa self-employed, na employed na, pagdugang sa beneficiaries kung naminyo na o dili ba kaha bag-ong nanganak.
Nakitang problema sa Philhealth tungod kay ayha na mo-adto ang miyembro sa ilang buhatan kung aduna nay ma-admit sa hopistal.
Maong tambag ni Lapuz nga dili na hulaton nga aduna nay madala sa balay tambalanan.
Bukas matud pa ang ilang buhatan gikan sa Lunes hangtod Biyernes, alas 8 sa buntag hangtod sa alas 5 sa hapon para sa pag-update sa mga records sa miyembro niini aron sa oras nga gikinahanglan dili na magkaproblema pa.
