CAPIZ – Maid-id nga guin-inspeksyon sang World Bank ang mga Philippine Rural Development Project sa Capiz para masiguro ang pulido nga implementasyon.
Nobyembre 28, guinpatigayon sang World Banks consultant kag Engineers ang walk through inspection, konsultasyon kag interbyu sa resipyenti sang PRDP I-Build Project sa Hipona-Canapian-Quinabonglan Farm to Market Road kag I-REAP project nga Shellfish Production and Marketing sang Buntod Katibyugan sa Barangay Buntod, Panay kag LARC Shellfish Production and Marketing sa Lonoy,Sapian, Capiz.
Nahibaluan nga naglab-ot sa P 1,090,550 ang guinpain nga pondo para sa Buntod Katibyugan, kag P1,049,350 ang sa Lonoy Sapian , 10 porsyento zang nagkatuhay nga I-REAP projects ang share naguika sa gobierno probinsyal.
Samtang kapin naman sa P196 milyunes pesos ang pondo sa konstruksyon sang Hipona-Canapian-Quinabonglan FMR sa diin nagpartenisir sang 19.6 milyunes pesos nga pondo ang gobierno probinsyal.
Sa guinpatigayon nga meeting sa tunga sang World Bank kag ni Governor Tony del Rosario, guinpalab-ot sang Gobernador ang hugot nga pagpasalamat sa bulig sang World Bank kag Department of Agriculture agud mapasanyog ang ekonomiya kag pangabuhi sang Capiznon.
(c) Capiz Aksyon News Center
