Gibasol ni Misamis Oriental Vice Governor Jose Mari “Joey” Pelaez ang mga opisyal sa Phividec Industrial Estate sa illegal shipment sa toni-toniladang basura gikan sa South Korea nga gitambak sa Sitio Buguac, Barangay Santa Cruz, Tagoloan, Misamis Oriental.
Matud ni Pelaez nga iyang gibasol ang Phividec kay ang maong ahensiya mao ang naggarantiya nga legal ang shipment sa Verde Soko Philippines Industrial Corporation sa ilang pag-import ug basura sa Misamis Oriental gikan sa South Korea.
“Phividec, should be held to answer regarding this shipment” matud ni Pelaez.
Gibutyag ni Pelaez nga ang Phividec ug ang Verde Soko nagpirmahay sa ilang Memorandum of Agreement kon MOA nga wala magpahibalo sa mga government officials sa Misamis Oriental.
Sigon sa ilang gipirmahan nga MOA, misugot ang Phividec nga ang mga basura gikan sa South Korea ilang ibutang sa Verde Soko sa 4.5 hectares nga lote sulod sa Phividec area.
Matud ni Pelaez nga wala mangonsulta ang Phividec sa local government Units sa LGU Tagoloan, Villanueva ug Provincial Government nga mag-import sa basura ang Verde Soko dinhi sa Misamis Oriental.
Gibutyag ni Pelaez nga ang iyang wala magustohi kay gipatoo pa sa Phividec nga ang basura shipment sa Verde Soko, gihatagan kuno sa panugot sa Philippine Embassy didto sa South Korea.
Matud ni Pelaez nga dakong bakak ang gipasi-atab sa mga opisyal sa Phividec kay ang Philippine Embassy sa South Korea wala mohatag sa Certification nga i-import sa Verde Soko dinhi sa Pilipinas ang mga basurang plastic gikan sa ilang nasud.
“Wala man magsulti ang Philippine Embassy sa South Korea nga ang Verde Soko ilang gihatagan sa green light ug red ribbon Certificate, before it was shift to the Philippines” matud ni Pelaez.
Apan gibutyag ni Pelaez nga ang tinuod, dunay Certification ang Philippine Embassy sa South Korea nga gipirmahan ni Ellah Karina Mitra, Vice console sa South Korea.
“Nag-ingon lang dinhi sa Certification nga i Ellah Karina Mitra, Vice console Philippine embassy Seoul South Korea, duly commissioned and qualified do herby certify, that Kim Jong Hoo, before whom the annex instrument was executed of at the time he/she signed the annex certificate, authentication officer of the minister of foreign affairs Seoul Korea, and verify believe that his/her signature, affix their is genuine” matud ni Pelaez sa iyang pagbasa sa document nga gipirmahan ni Mitra.
Si Pelaez midugang sa pag-ingon:
“Unya nag-ingon pa gyud ang Certification that the Philippine Embassy Assumes no responsibility, for the content of the documents” matud ni Pelaez.
Gibutyag ni Pelaez nga si Engineer Dax Hara ang Safety Specialist sa Phividec Industrial Estate ang nagpatoo ug nagbutyag nga ang Verde Soko gihatagan sa Green light ug red ribbon certificate sa Philippine Embassy sa South Korea aron mag-import sa basura dinhi sa Pilipinas.
Matud ni Peleaz nga kini ang hinungdan kon ngano nga ilang gisuportahan sa Sangguniang Panlalawigan ang bisan unsa mang imbestigasyon batok sa illegal garbage shipment sa Verde Soko.
Niadtong Lunes sa ilang regular session sa SP, upat ka resolution ang gi-approve sa Majority member sa Misamis Oriental Provincial Board.
Lakip sa upat ka resolution kining mga mosunod
Resolution condemning the act of Verde Soko of importing Plastic waste and dumping it to Phividec Industrial state facility in Misamis Oriental.
- Resolution, encouraging for their action by the Bureau of custom and DENR to initiate action and penalized Sanction Verde Soko,
- Resolution to formally Endorse such finding and recommendation to the house of representative for further Investigation and inquiry.
- Resolution address to the south Korean government to shoulder the shipping fee once the finding of plastic waste materials is considered hazardous.
