Nanawagan usab ang Philippine Volcanology and Seismology kon Phivolcs Region 10 sa publiko nga dili e-underestimate ang linog.
Sa interview sa RMN Malaybalay ngadto kang Phivolcs 10 Regional Director Marcial Labininay gibutyag niini nga tungod hangtod karon walay ekipo ug teknolohiya nga makatug-an kung asa ug kanus-a mahitabo ang linog maong bugtong pagpangandam lamang mahimo.
Nasayran nga nisaka pa sa 373 ka pamilya ang apektado gikan sa unom ka lungsod nga apektado sa 5.9 magnitude nga linog sa Bukidnon kaniadtong Lunes sa gabie.
Ipadayon usab ang *damage assessment* and needs analysis (*DANA*) sa Local Disaster Risk Reduction and Management Office kon LDRRMO sa Kadingilan sa damyos sa linog. Kini aron makuha ang balor sa structural damage.
Sa interview sa RMN Malaybalay ngadto kang Sheen Therese Romo ang hepe sa LDRRMO Kadingilan gibutyag niini nga sa kinatibuk-an maayo ra usab ang ilang kahimtang gawas lamang sa damyos nga na-angkon sa ilang lungsod.
Gi-awhag usab ni Romo ang mga lumulupyo sa Kadingilan nga kung aduna may concern, emerhensya ug uban pa nga adunay kalambigitan sa linog nga makiglambigit lamang kanila pinaagi sa ilang hotline number nga 0906-9139-081 o kaha sa ilang facebook page nga LDRRMO Kadingilan.
