Mitala ug 95% ang accomplishment sa pagpamurga sa mga kabataan ug usab dagko nga gihimo niadtong bulan sa Hulyo niining tuiga sa 25 ka mga lungsod ug duha ka dakbayan sa lalawigan sa Zamboanga del Norte atol sa ika-3 ka tuig nga pagpatuman niini.
Kini ang nasayran gikan ni Catherine Barbaso, Filariasis Coordinator sa Provincial Health Office (PHO).
Matud pa ni Barbaso, mitala sa 942,928 0 95% ang napurga nga mga bata sugod 2 anyos pataas kini aron paglikay sa sakit ng Filariasis, mas labaw sa target nga 85% lamang.
Nasayran, nga ang Filariasis usa ka sakit nga ang hinungdan mao ang mga gagmayng bulate nga mopadung sa lawas sa tawo pinaagi sa paak sa lamok.
Kung dili gilayon matambalan, posibleng modagko ang batiis, tiil, bukton, ug mga pribadong parte sa lawas sa tawo.
Aron malikayan ang sakit nga Filariasis batasanon ang kalimpyo sa palibot o ang 4’oclock habit ug magpa-eksamin sa dugo sa haduol nga health center. (M.L)
