Malaybalay City, Bukidnon – Gihangyo karon sa Philippine Information Agency Region 10 ang publiko nga mahimong makalmahon ning kasamtangang krisis nga nahitabo sa Marawi City.
Sa interview sa RMN Malaybalay ngadto kang PIA 10 Regional Director Frank Gumapon gibutyag ninii nga dili angayang mabalaka ang katawhan sa mga internally displaced persons sa nagkadaiyang lugar.
Gipasabot niini nga temporaryong mibiya kini sa ilang pinuy-anan aron makalikay sa kagubot sa Marawi, gani man ang pipila atoa na sa Luzon ug Visayas.
Matud ni Gumapon nga gipang-validate usab kini sa Department of Social Welfare and Development kon DSWD ang mga bakwit.
Dungan ninii gipanawagan ni Gumapon nga dili usab angayang magkumpiyansa ug itaho gilayon sa otoridad kung aduna may mamatikdan nga kadudahang lihok sa palibot.
Nasayran nga muabot sa usa ka libo kapin ang mga IDP’s nga ania karon sa probinsya sa Bukidnon nga gikan sa Marawi City.
