Davao City – Subling gipahinumdom sa Land Transportation Office (LTO) nga gidili gihapon ang pagsakay likod sa pickup labi na nga daghan ang mga nagahimo niini sa mga biyahe ug panagtapok sa pagsugat sa Bag-ong Tuig.
Sa interbyu sa DXDC RMN Davao kang Gomer Dy, Director sa LTO-Davao, gibutyag niini nga gidili gihapon ang pagsakay sa likod gawas lang kung naay karga nga angay bantayan likod sa sakyanan.
“Pag walay cargo, no need to allow a person to sit at the back of the pick-up kay wala may cargo nga bantayan,” saysay ni Dy.
Gibutyag ni Dy nga kung naay karga, usa lamang ang gitugotang watcher niini samtang kung truck, nagdepende usab sa gidaghanon sa karga apan anaa lamang sa napulo ang maximum nga magbantay.
Gawas nga naa kini sa balaod, tumong usab niini nga malikayan ang disgrasya sa dalan nga sagad gikalambigitan sa maong mga sakyanan.
RadyoMaN Kirby Manzon
