Wala nagapati si Antero Martinez,newly-elected President sang Philippine Independance Day Council Incorporated , organisasyon nga ginabug-usan sang Filipino American associations nga nabase sa East Coast sang Estados Unidos nga i-ban ni U.S President Donald Trump ang mga Pinoy matapos natukiban nga isa ka Filipino si Marilou Danley, live-in partner ni Stephen Paddock nga suspek sa shooting incident sa isa ka concert sa Las Vegas sang damlag lang nga ginkapatay sang indi magnubo 58 ka tawo.
Ginpahayag ni Martinez sa RMN Iloilo nga indi matabo nga ilakip man ang Pilipinas sa mga pungsod nga una na gin-ban sang U.S President bangud lang sa natabo nga insidente.
Suno kay Martinez, nangin maayo nga pumuluyo ang mga Pinoy sa U.S kag kinahanglan sini ang mga Filipino.
Samtang, may ginhatag naman nga impormasyon ang Department of Foreign Affairs (DFA) sa Federal Bureau of Investigation (FBI) agud mahatagan sang kasanagan ang pagka-ulamid ni Marilou Danley sa insidente.
(c) PIDC Inc.
