Labi-labi an pagkabigla ni Keana, bakong tunay na pangaran, 19 anyos kan ciudad nin Naga kan makaresibe siya nin letrato asin mga tataramong bastos gikan sa saiyang amigo na tiga duman sa banwaan nin Goa Camarines Sur.
Istorya ni Keana sa mga awtoridad, alas 1030 nin banggi kan sarong banggi kan magpamati sa saiya an saiyang amigo na si PJ sa paagi nin messenger.
An enot na hapot ni PJ “pwede ka sa Feb 14”?
Alagad makalihis an perang minuto liwat daang nagchat an lalaki sa daraga, asin ini saro ng letrato kan pribadong parte kan lalaki.
Nin huli sa pagkabigla, asin bastos na letratong pigsend ni PJ dae na daa pigreplyan Keana an amigo.
Alagad an nagsunod na chat kaini an mas ikinabigla kan daraga, nin huli ta inaagda na siya ni PJ nin BJ.
Duman na nagdesisyon an daraga na iblock sa messenger si PJ.
Kasuudma, nagdesisyon an daraga na ireklamo an saiyang amigo sa mga pulis. Mawot kan daraga na kasuhan nin Unjust Vexation asin man pagbayolar sa cyber crime law an saiyang amigo.
Nagmamawot an daraga magin an PNP na sa paagi kan nasabing reklamo, ini magtao man dagos nin patanid sa gabos, urog na sa mga social media user na an pagpapasupog, panraraot, pambabastos, panraratak o pambubully sa paagi nin social media igwa ng ley na minapasimbag sa naggigibo kaini.
Dagdag na bareta sa lado local Ako an saindong RadyoMaN Paul Santos Tatak RMN!
