Apisar nga suportado na sang mga leader sang market vendors sa Bacolod ang surveillance testing, may pila gihapon ka mga miembro ang nagakontra diri.
Isa na diri si Rosemarie Rosea, vendor sa Libertad Public Market, sa diin iya gina-problema ang iya pangabuhian pananglitan siya ang mag-positibo sa virus. Sa interview sang DYHB, ginpahayag ni Rosea nga dunganan nila sa gihapon sang protesta, programa kag noise barrage ang surveillance testing sa Oktubre 10.
Samtang, ginasalig naman ni Executive Assistant Ernie Pineda nga hatagan sang ayuda ang pamilya sang mga vendors nga mag-positibo sa COVID-19. Gin-athag naman ni Pineda nga ang vendor lamang nga nag-positive sa swab test ang kuhaon kag dal-on sa isolation facility kag makapadayon sa pagbaligya ang mga nag-negative.
Kapin sa 1,800 ka mga vendors ang target sang ciudad nga mapaidalom sa surveillance testing.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
