Nadakpan sang militar ang pilason nga NPA terrorist sa Sultan Kudarat, ini ang kumpirmasyon ni Western Mindanao Command Chief Lt. Gen. Corleto Vinluan, Jr.
Suno kay Lt. Gen. Vinluan samtang nagalibot ang tropa halin sa 38th Infantry Battalion sa Sitio Upper Compac, Barangay Baglas, Palimbang narescue sang mga ini ang wala nakilala nga pilason nga persona.
Samtang sa pag-imbestigar sa nasambit nga persona , ginkilala ini kay Elmer Lasib, a.k.a Billy/Ka Bodo/Ka Bogs, former West Front Commanding Officer sang GF Musa, Far South Mindanao Region sang Communist Terrorist Group.
Ginpahayag ni 603rd Infantry Brigade Commander Col. Eduardo Gubat gilayon naman nga ginhatagan sang first aid ang miyembro sang NPA nga sa subong yara na sa stable condition kag nagapadayon ang interogasyon kag imbestigasyon sa iya.
