Davao City – Dili andam ang Pilipinas kung galing muabot dinhi ang usa ka extinct virus nga posible’ng mukalat gikan sa uban nasud.
Kini subay sa usa ka nagakalat nga video sa social media bahin sa posibleng pagkabanhaw sa mga extinct viruses gikan sa Antartica panahon nga malanay ang mga ice bergs diin usa kini ka epekto sa nagapadayon’g climate change.
Atol sa gipahigayong Asia-Pacific Healthy Islands Conference 2018, gibutyag ni Office of the President Special Envoy for Global Health Initiatives Dr. Susan Pineda-Mercado nga kinahanglan lang masayod ang katawhan kung asa ug ngano kini nagapanghitabo sa usa ka lugar samtang ginapangitaan kini nila og solusyon.
Gipasabot usab ni Institute for Climate and Sustainable Cities Executive Director Renato Redentor Contantino nga dili lang Pilipinas ang dili andam apan ang tibuok kalibutan.
Tumong sa maong conference mao ang pagpangita og mga solusyon sa problema sa panglawas ingon man sa climate change pinaagi sa pakigpulong sa mga nasud sa Asia-Pacific sama sa Fiji, Kiribati, Marshall Islands, Federated States, Nauru, Tuvaru, Palau ug Philippines.
RadyoMaN Jason Amisola
