Gipaila-ila na sa Technical Education and Skills Development Authority kon TESDA 10 ang ilang pinaka-unang youth ambassador.
Kini mao si Angelo Carreon Mamay, usa ka artista sa GMA network, giilang Inyernational Youth PNP ug lumad nga taga Lanao del Norte.
Atol sa presscon gahapong adlawa, gibutyag ni Director Tarhatha Mapandi, ang regional director sa TESDA 10 nga magsilbi si Mamay nga role model ngadto sa mga kabataan ug maaghat ang mga skilled worker nga mokuha sa kursong gitanyag sa TESDA aron mapadali ang ilang pag empleyo pinaagi sa certificates nga ilang maangkon.
Tungod niini, gipasalig sa maong aktor nga iyang hatagan og panahon ang mga aktibidad sa TESDA.
Facebook Comments
