Gibuksan na karong adlawa ang pinaka-unang planta sa Gardenia dinhi sa Mindanao nga nahimutang sa Santa Cruz, Tagoloan, Misamis Oriental.
Ang bag-ong planta makahimo sa 130-mil nga gidaghanon sa pan matag adlaw nga maoy ihatod sa tanang lugar dinhi sa Rehiyon.
Gilauman nga pinaagi sa maong planta, mas modako ang kita sa ekonomiya sa rehiyon ug daghan ang maka benepisyong trabahante.
Matud ni Mr. Jun Umali, ang presidente sa Gardenia nga mas gipadool na sa mga konsumante ang lamian nga pan ug available na kini sa Davao, Cagayan de Oro, General Santos, Surigao, Zamboanga del Norte, Butuan ug Kidapawan.
Ang Planta sa Gardenia nga dunay giluagong 2.5 ka ektarya makita sa PHIVIDEC Industrial Estate sa Misamis Oriental mao ang pinaka-advance nga bread manufacturer dinhi sa Mindanao.
Ang mga gamit sa Gardenia plant naggikan pa sa Germany, Netherlands, United States, Malaysia ug Japan.
Gituyo matud pa kining ibutang dinhi sa Misamis Oriental aron makita sa mga konsumante ang proseso sa paghimo sa lamian niining produkto pinaagi sa pag tour sulod sa planta.
Ang harinang gamiton sa gardenia plant gikan pa sa US ug ang gatas nga gamiton gikan sa Australia o USA.
Dugang pa ni Umali nga gipili nila ang Misamis Oriental aron masuportahan ang planta sa Cebu ug daling mabaligya ang mga produkto sa kasikbit nga mga dapit.
