BACOLOD CITY – Ginpangbuno sang isa ka suspek ang mag-abyanay sa isa ka ilimnan pasado las10 kagab-i sa Akina Village, Brgy. Tangub, ciudad sang Bacolod.
Nakilala ang mga biktima nga sanday John Ray Tingal, 18 anyos ang edad, pumuluyo sang amo nga lugar kag si Regie Enbornia, 30 years old sang amo man nga lugar.
Suno sa mga biktima nga ini sila ang naga-inom inom sa gwa man lamang sang ila balay upod ang suspek nga si Roy Orillo, legal ang edad.
Apang, nakibot na lamang sila nga nagtindog ang suspek, nagkuha ang sundang kag hinali na lamang sila nga ginpanghandos.
Si John Ray ang nag-angkon sang 2 ka pilas tuga sang pagbuno samtang si Regie naman ang nag-angkon gid lamang sang bagras sa iya likod.
Ang mga biktima ang lunsay gindala sa Corazon Locsin Montelibano Memorial Regional Hospital samtang padayon naman gina-usisa sang mga utoridad ang amo nga hitabo./dyHB BACOLOD
