Davao City- Sugdan na sa City Social Services and Development Office kun CSSDO ang pagpanghatag og pinaskuhan ngadto sa mga lumad sa syudad sa Davao diin mismong ang lokal nga gobyerno ang muhatod niini sunod semana.
Una ng gipahingamoan sa lokal ng gobyerno ang mga lumad nga dili na lang mubaba dinhi sa sentro aron mangayo ug pinaskuhan aron usab malikay sa mga sakit-sakit ug disgraysa kung dinhi magpondo.
Gani ang mga lumad nga milugsong dinhi sa sentrong bahin sa dakbayan kaniadtong December 1, gipapauli na sa ilaha sa Bukidnon ug Talaingod, Davao del Norte diin kutob December 5 lang ang gihatag sa ila nga adlaw aron makauli sa ilaha.
Gihatod sa truck nga gitagana sa lokal nga gobyerno sa syudad ang kapin dos mil ka mga lumad diin nasayran sa CSSDO subay sa ilang gihimong listing nga dili taga Davao ang maong mga lumad nga milugsong dinhi sa Davao gani sa ilang pag uli, nakadala sila og mga pinaskuhan gikan sa mga dabawenyo ug gipadal-an usab og foodpacks sa lokal nga panggamhanan sa syudad.
RadyoMaN Renz Barbarona
